النسخة الكاملة التسجيل
::{ مجالس قبيلة هذيل }:: موقع يهتم بتراث القبيلة ومفاخرها
1 2 
مجلس الشعر الشعبي>انت الفهد واسمك تعلق بالاذهان
طير الشمال 10:58 PM 10-24-2014
انت الفهد واسمك تعلق بالاذهان
............................................

أخواني وأخواتي اصدقائي الاعزاء والاكرام يسعدني ان انقل لكم هذه القصيده المتواضعه وحديثة العهد حيث تشرفت بالقاءها امام هرماً من اهرامات الادب والبلاغه وسبك المعاني وهو الدكتور الشيخ فهد المعطاني الهُذلي احد مشائخ قبائل هّذيل وتعتبر هذيل من القبايل المشهوره والمعروفه في جـزيــرة العــرب والوطن العربي كافه . حيث تلقيت دعوه من الاخ والصديق والخال الغالي عبد الهادي بن حسن الفضي المسيلم المساعيد .....

يا مـرحبـا يا مسـهــلا يــابـو راكــــان ........ اهـلاً هـلا بك يا كـريـم الســبالي
واعداد ما هز الهوى روس ا...
لاغصان ....... ومـا غـرد القمـري بروس العــوالي
مرحـب تراحيـب المطـــر يـا كحيـلان ........ والـفً هـلابك في مضارب خــوالي
عند ابو محمد مفني الكـوم والضـان ....... حسن فضي صقر الرجال المثـالي
ركــنً مـن اركان المساعيـد لاهـــان ........ يقــدم على كُـل طايلـه مـا يبـالي
من لابــةً في حزة الضيق شــجعان ........ ويـامـا احـتـموا ذيـدانـهم بالمفـالي
عــز الرفيــــق وللمعــاديــن عــدوان ........ ســـقم الحريب وللمسالم اظلالي
واشـير لابــن ســرور والحق ميــزان ........ عبــدالله الهـــايل بعيـــد المـــدالي
شـيخً عـزيـز ومن نظانيـظ شــيخان ........ جــدّه وابـــوه شــيوخ اول وتـــالــي
ايضــا ولانـي نـاسـي الشيخ راكان ....... ابـو بشــير اللي اعلــومــه اجــزالي
اكن لــه تقـديـر مـن قلـب ولســان ....... ويالله عسى ايــام عمــره اطـــوالي
وافخـر انـا بالحـي واللـي بعـد كان ....... وان طبـت انـا من طيبـكم يا خـوالي
جـينـاك حـنا مـن مشـاريـق عمّـان ....... شوق ومحبـه وانـت ياشـيـخ غـالـي
نشتاق لك شوق البوادي للامـزان ....... بـوبـلً من المنشا صـدوق الخيـــالي
حييـت يانبــع الوفــا ذرب الايـمــان ........يابن النشـــامــا والقــــروم الـرجـالي
ربعك هذيل اللابـه اللي لهـا شان ....... عــوق الخصيــم ومفـخــره للمــوالـي
قـومً لهم في صفحة المجد عنوان ....... شــرق وجنــوب وغـربهـا والشمــالي
لك سيرةً غطت كثيـر من الاوطـان ....... مثـل النـجــوم الســاطعه والهــلالـي
موسوعةً كـبرى وتبـقــا بـالازمــان ........ هـــذا الـوكــاد ولا نقــول احتــمــالـي
مع الادب دكتــور والشـعر بالــوان ........ وفـن البـــلاغــه حــاضـــرً بـاكـتمــالي
ميزه وصعـبً تـوجـد بكل انســان ........ خصــك بهـــا الرحــمـــن رب الجــلالي
بـاعً طـويـل بكل محفـل وميــدان ......... حـاضـر ومـاضـي والشــــهود الليـالـي
ســيفً مجـرب والمواقبـف برهان ........ وطيــب المبــادي دقـــهــا والجـــلالـي
واليـوم انـا بحضــوركم يابـو راكـان ........ قــدّام قـمــة شـــامخــــات الجبـــالي
شامخ كما ياسوم ياشيخ وآبــان ........ وشــتان مـــابيــن الجبـــل والتـــلالـي
انت الفهد واسمك تعلق بالاذهان ...... والحــق نـــوره مــا يـغيــب اســتحالـي
وانت الامير اللي بـه القـاف يزدان ....... ويـرفــع لك الهـامــــات قــدر وجـــلالـي
وعسى تليق بحضرتك تلك الاوزان ..... وتنصفـك يــوم الهــرج جـالـــه مجــالـي
وابـي اعتـذر عن كل زودً ونقصـان ....... عــن كل زلّـــه حــاصـــله واختــــــلالـي
اجــود انـا من جـود ذاتـي بقيـفان ....... وللّــــــه دايــــم .. يســتـقـر الكمــالـي
وتمت وصلى الله على خير انسان ...... الهــــادي اللـــي زال عنـــا الظــــلالـي


محمد بن سوعان الربيّع
الاربعاء 22/10/2014م

إضافة رد
فارس المطرفي 11:41 PM 10-24-2014
صح لسانك ياطير الشمال على القصيدة الجزلة وانعم واكرم بالمادح والممدوح


إضافة رد
سلطان السويهري 07:10 PM 10-25-2014
نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

صح لسانك أخوي محمد وبيض الله وجهك على ما قدمت


والشيخ فهد حفظه الله من مشائخ هذيل المعتبرين وماقفه يشد به الظهر
إضافة رد
طير الشمال 09:55 PM 10-25-2014
فارس المطرفي
هلابك اخوي الكريم اسعدني مرورك الطيب وما عليك زود لاهنت
تقبل خالص الشكر والتقدير
إضافة رد
طير الشمال 09:58 PM 10-25-2014
سلطان السويهري
هلا والله ومليون نورت اخوي الكريم
الشيخ فهد المعطاني اشهر من نار على علم ويستاهل
وكفو لما له من مواقف كثيره مشرفه .
تقبل خالص الشكر والتقدير
لاهنت .
إضافة رد
أبو رديد 08:37 AM 10-26-2014
ونعم بك ياطير الشمال وصح لسانك وبيض الله وجهك
وافية من وافي

وشيخنا الدكتور فهد المعطاني يستاهل كل المدح والثناء فالعبارات تعجز في وصفه وكتابة صفاته ووقفاته
بارك الله له وفيه وجعله ذخراً لنا
إضافة رد
أبوريتال الياسي 09:03 AM 10-26-2014
الله .. الله

صح لسانك يا طير الشمال


ويستاهل الشيخ أبو راكان

إضافة رد
ولهان ومسير 01:59 PM 10-28-2014
الاخ طير الشمال والاخوة الاعضاء
يسرني ان تكون مشاركتي الاولى مجاراة لابيات الشاعر محمد سوعان ارجو ان تنال اعجابكم وارجو السموحة عن القصور اخوكم ولهان ومسير


زقم المعادي
يا مسندي ودي اشارك ف بعض قيفان
ودي اشارك قاف طير الشمالي
اهلا هلابك يا فتي وين ما كان
القاف غالي وراعي القاف غالي
والقاف غالي في مدح طير حوران
راعي الفزعات في كل حالي
الشيخ اللي وقفته دوم ميزان
زقم المعادي وللخوي قرحن زلالي
شيخ المعاني والادب راعي الشأن
اللي سكن في قمة المجد عالي
شيخ المواقف وللوفا صار عنوان
تشهد له العدوان قبل الموالي
من لا بتن من اول الوقت لها شان
وياما غدت لبعض القبايل ظلالي
من وسط الجزيرة لابته لين حوران
ومن وسط سينا لين تونس شمالي
ومن جنوب المملكة لين وسط عمان
ومن غربها يمشون لام الجمالي
وباقي القبايل بالوغا حيل شجعان
والنعم فيهم دام جاها المجالي
واختم واصلي عد وبلن بالامزان
على الرسول المصطفى اول وتالي

إضافة رد
سلطان السويهري 03:17 PM 10-31-2014
ولهان ومسير

صح لسانك على المجاراة ما قصرت بيض الله وجهك
إضافة رد
abogehad 09:58 PM 10-31-2014
ونعم بك ياطير الشما ل وابو راكان يستاهل
إضافة رد
ولهان ومسير 06:42 AM 11-02-2014
عزيزي طير الشمال

وجهك ابيض وشكرا جزيلا على مروركم الكريم

ودمت بود
إضافة رد
ولهان ومسير 10:11 AM 11-02-2014
اخوي سلطان

شرفني مرورك وجزاك الله خير وبيض الله وجهك

وتقبل تحياتي
إضافة رد
طير الشمال 03:11 PM 11-04-2014
الاخوان الكرام والاعزاء
بارك الله فيكم والنعم بالجميع كم انا مسرور لمروركم وتعليقكم واطرائكم
اشكركم ومن القلب والشيخ ابو راكان فهد الهذلي
يستاهل كل التقدير والاحترام وكل القصايد ما اعتقد انها توفيه
لكن على ما يقولون الجود من الماجود
تقبلوا خالص مودتي وتقديري
واشير الى الاخ اللي جاراني بالابيات الجميله الرائعه اللي ترجمت مدى تقديره وشكره لي
واتوجه له بالشكر الجزيل والتقدير والاحترام ولاشكر على واجب وابو راكان يستاه وهو اهلاً لها
ويستاهل ديوان بحاله
الاخ الشاعر ولهان ومسير
تقبل تحياتي انا احوك الشاعر / محمد بن سوعان الربيّع العنزي
( طير الشمال)

له مني
إضافة رد
ولهان ومسير 08:42 AM 11-05-2014
اخوي طير الشمال
مشكور يالبناخي وبيض الله وجهك

وتقبل تحياتي
إضافة رد
العود القماري 02:21 PM 12-08-2014
صح لسانك

يستاهل شيخ قبيلة صليم فهد المعطاني المدح
إضافة رد
1 2 
إضافة رد Up