::{ مجالس قبيلة هذيل  }:: موقع يهتم بتراث القبيلة ومفاخرها

::{ مجالس قبيلة هذيل }:: موقع يهتم بتراث القبيلة ومفاخرها (https://hothle.com/vb/index.php)
-   مجلس المنقولات (https://hothle.com/vb/forumdisplay.php?f=65)
-   -   قصيده من اجمل القصائد في الرفقه للشاعر مصلح بن عياد الحارثي (https://hothle.com/vb/showthread.php?t=40553)

سلمان الندوي 06-06-2010 10:40 PM

قصيده من اجمل القصائد في الرفقه للشاعر مصلح بن عياد الحارثي
 
[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالله يا منشي مـن المـزن همـال=سبحان رب العـرش جـلا جلالـه
حي الكلام اللي عليه الحبـر سـال=من شاعـر زيـن كلامـه وقالـه
يارجل ما يقصر على الكيف رجال=ولا تنشد المسكين وشلـون حالـه
وليا بدالك خصم ضده على الجـال=مال الرزيـل الا سلـوب الرزالـه
وان جا من الادنين بعضات الاحوال=الصمت عن كثـر التوجـد شكالـه
زلة رفيقـك خـل فيهـا التعـدال=والاولــه والثانـيـه لا تسـالـه
والثالثه سقهـا علـى روس عقـال=وكلن يبـي يعطيـك فيهـا مجالـه
والرابعه لا تنهزع لـه ليـا عـال=واليـا جفـاك الـدرا دور بـدالـه
ورفيقك اللي تاجده في بعض حـال=ارفق عليه اليا حصل منـه حالـه
لا بد مـن يـوم يقهويـك فنجـال=من كيف اشقـر مثـل دم الغزالـه
ترى الرجال زحول وفحول وازوال=وكلن عطاه الله على قيـس حالـه
والصبر زين وفيه مخرج ومدخـال=ومكارم الاخـلاق سـاس العدالـه
ترى الجهل يقضي على ناس جهال=اللـي تصرفهـم تصـرف جهالـه
اعط العميل اليا طلب منك معـدال=واخذ الدليل اليا صفا لـك مجالـه
وخلص ليا صابك من الحق مثقـال=واخلص ترى بعض الشكاله فلالـه
الرجل يعرف عدلته قبـل يشتـال=والخبل يحسب كـل عدلـه سهالـه
واليا اتبعت المشكله حبلهـا طـال=وقامت تلفـك مثـل لـف المحالـه
واليا قصرت حبالها صح من قـال=على ولد عشرين مـا بـه وكالـه
قبلي وقبلـك شاعـر رد الامثـال=يا زين بيـت يـا فريحـان قالـه
الرجل يطلب منه بعضات الاحـوال=والحمـره يـدرك معوشـة عيالـه
[/poem]

مطرفي الدلم 06-07-2010 12:25 AM

رد: قصيده من اجمل القصائد في الرفقه للشاعر مصلح بن عياد الحارثي
 
صح لسان الشاعر مصلح بن عياد

لاهنت يالطيب على النقل الجميل

تحياتي .

عبيد بن حمود 06-07-2010 12:54 AM

رد: قصيده من اجمل القصائد في الرفقه للشاعر مصلح بن عياد الحارثي
 
صح لسانك يابن عياد 00 وطاب النقل اخوي


الساعة الآن 02:37 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة هذيل